Puta noa i Te Papa ka kite koe i ētahi taonga e whakaaturia motuhaketia ana. Ka whai take ēnei nō te mea e whakaata ana i ētahi āhua ahurei, rerekē rānei o te tuakiri me te hītori o Niu Tīreni.
Te pū repo o te Endeavour (Papa 3) me te haika a de Surville (kei te pakitara i roto i te tomokanga ki Te Papa, Papa 1)
E hono ana ēnei ki ngā haerenga mai a Kuki me de Surville ki Te Moana-nui-a-Kiwa, ki ngā whakapā hira tuatahi i waenganui i te Māori me te Pākehā.
Phar Lap (Papa 4)
He hōiho omaoma rongonui a Phar Lap. He kararehe niwha i arohaina e tētahi whakatipuranga o ngā tāngata o Niu Tīreni (te wāhi i whānau ai, i tipu ai), o ngā tāngata hoki o Ahitereiria (te whenua i nui rawa ai ana omaoma).
> More about Phar Lap, presented by What Now (video, starting at 1.51 minute)
Tiger Moth (Papa 4)
He wāhi matua tō tēnei waka manurere i roto i te hītori o tēnei mea, te tohatoha manuia mai i te rangi. He momo hangarau tēnei tērā i hanga hou i ngā mahi ahuwhenua i Niu Tīreni.
Te Motopaika a Britten (Papa 4)
Ka kōrero tēnei motopaika mō tētahi kaihanga tipua nāna i hanga i roto i tōna papamahi i tōna kāinga i Ōtautahi tētahi motopaika tauwhāinga i toa ai ki ngā motopaika i hangaia e ngā kamupene nunui, tino rongonui o te ao.
Kia mataara mō ēnei taonga i a koe e torotoro ana i a Te Papa.