Te hanganga i te taiao o Niu Tīreni
E ai ki ngā kaitātai aro whenua, he whenua tamariki a Niu Tīreni, kei te ngoi tonu. E whakaaturia ana e Awesome Forces, ngā hūnukutanga i hangaia ai tēnei o ngā tino whenua o te ao, e ngā ariā nukupapa, e ngā rū, e ngā pahūtanga o ngā puia, e ngā horo whenua.
Tuatahi e whakaatu ana i te āhuatanga o waenganui i te ao mahere, kātahi ka whakamārama i te whakahoutanga o te kiri o Papatūānuku, mā ngā āhua, mā ngā hoahoa, mā ngā pāhekoheko. E whakaaturia ana te noho o Niu Tīreni i runga i ngā ariā nukupapa e rua.
E ai ki ngā tohunga nei, kua hipa te 120 miriona tau i te wāwāhanga o tētahi whenua nui e kīia ana ko Gondwanaland. He pikitia oreore e whakaatu ana i taua wehenga tae atu ki te maunutanga o Niu Tīreni ki tana tūranga e tū nei i tēnei wā. Nā ngā kaimātai pūtaiao ēnei kōrero ki a tātou, mai i ā rātou tirohanga ki ngā toka, ki ngā parawae, ki ngā mokoweri, ki ngā mātāpono koiora, ki ngā moa, ki ngā tuatara, ki ngā wētā, ki ngā ngata kaitā, ki ngā momo oranga kua ngaro noa atu.
Kei konei ētahi whakawhiti pikitia nunui e whakaatu ana i ngā rū whenua me ngā pahūtanga o ngā puia, ngā pātanga o ēnei mea ki te tangata me te whenua. Ka kitea anō te mahi a te marangai me ōna āhuatanga katoa, te waipuke, te horohoro, te rironga o te whenua.
He whakaaturanga tēnei e tō ana i te tangata kia kite, i runga anō i ōna āhuatanga tērā e heipū ki te tangata. He rorohiko pāhekoheko e whakamārama ana i ngā tikanga o Te Kōmihana Rū Whenua ki te puta he aituā pēnei.
I te mea e pā ana tēnei whakaaturanga ki ngā iwi katoa o Niu Tīreni, kua hangā he pikitia whakaatu i tā te Māori whakamārama mō te orokotīmatanga o te ao me ōna mana kia kōrero ai ia mō te mana atua, te mana tangata, me te mana whenua.
> Have a look at a 3-D spin of Awesome Forces
> More about the exhibition, presented by What Now (video)