Kaupapa Pakeke

Kei te whakarato ngā whakaaturanga, ngā kohinga me ngā mahi a Te Papa i te whānuitanga o ngā wheako ako, whai whāitanga hoki ki te hunga pakeke me ngā ākonga o ngā kura tuatoru.

Kimihia te roanga ake o ēnei momo mahi i tā mātou hōtaka mahi.

Kia kite ai i te tauira o ā mātou whakaaturanga whakaongaonga, whakamōhiohio hoki, tirohia The Genetic Revolution.

Whamamahia te Tai Awatea | Knowledge Net ki te rangahau i ngā korero, ngā tāngata me ngā kaupapa e pā ana ki ngā taonga i roto i ngā whakaaturanga o nāianei, o mua hoki.

Hōtaka Haerenga

Ka whakangata tā mātou hōtaka o ngā haerenga rite tonu me ērā kua tonoa i ngā kaingākautanga o te tauhou me te tohunga. Kimihia ki konei ētahi kōrero anō mō ā mātou haerenga.

Hōtaka mā ngā kura tuatoru

Ka kapi te whānuitanga o ngā marau i ngā hōtaka a Te Papa mā ngā ākonga o ngā kura tuatoru. Kua whakawhanakehia ia hōtaka kia hāngai ki ngā hiahia o ō ākonga. Tēnā koa whakapā mai ki a mātou ki te matapaki i ngā hiahia tauwhāiti o ō ākonga.

Hōtaka whakawhanake ngaio

E pai ana ā mātou hōtaka Marae Protocol me Te Tiriti o Waitangi ki ngā kiritaki kaipakihi me ngā tari kāwananatanga.

• He whakamārama tīmatanga te hōtaka Marae Protocol a Te Papa ki a rātou e ako ana mō te kawa o te pekanga mai ki konei. Ka whai wāhi ngā ākonga ki tētahi pōwhiri i runga i te marae o Te Papa i runga i te āhua āhuru, tautoko hoki. E 90 miniti te roa o te hōtaka. Kia 10 ki te 20 ngā tāngata i te wā kotahi.
• Ka torotoro te hōtaka Te Tiriti o Waitangi a Te Papa i ngā take mātātaki e pā ana ki te Tiriti o Waitangi i runga i te āhua ngāwari. Mā te whakamahi i ā mātou whakaaturanga, taonga hoki ka whakatītinahia ngā kaiuru ki te tūhura me te tirotiro i ngā ariā me ngā tautohetohe e pā ana ki te Tiriti. E 90 miniti te roa o te hōtaka. Kia 10 ki te 20 ngā tāngata i te wā kotahi.