Discovery Centres
E whā ēnei wāhi kei Te Papa Tongarewa hei whāwhātanga mā te tamariki, he wāhi pai hei whakapau i ō rātou kaha, tae atu ki ō rātou mātua. Hei titiro mā rātou ki ngā kōrero mō ō tātou iwi me tō tātou whenua.
He maha ngā mahi ako pārekareka, pāhekoheko hoki i ngā Discovery Centres e whai wāhi ai ngā tamariki me ngā pakeke. Ka kitea hoki he pukapuka, maheni tohutoru e whai pānga ana ki te kaupapa tauwhāiti o ia wāhi.
Kei reira ngā kaimanaaki hei whakautu pātai, ā, ka āhei atu koe ki te Tai Awatea | Knowledge Net me ētahi atu taonga rangahau. Ka kitea hoki he pukapuka, maheni tohutoru e whai pānga ana ki te kaupapa tauwhāiti o ia wāhi.
> Have a peek at the Discovery Centres, presented by What Now (video, starting 1.32 minute)
Mā te Discovery Centre o te ao tūturu ka ārahina koe puta noa i te ao tūturu. Ka kuhuna e koe he tapuwae mokoweri, ka tirohia he pepeke mā te karu whakarahi, ka kitea he parawae, ka aha atu. Tau kē!
He wāhi auahatanga hākinakina. Haere ake kia kite i tā mātou pēpi nunui, kia hanga houtia koe, kia tuhia e koe he paki waituhi nunui, kia tirohia te ao karetao, aha atu. Hei whakaharikoa ngātahi i ngā tamariki me ngā pakeke.
Kua whakahoutia katoatia te PlaNet Pasifika Discovery Centre. Nau mai, tamariki mā, ki te torotoro i ngā ngohe hou, whakaaturanga hou hoki!
Nau mai, haere mai ki tēnei wāhi a tātou, kia kite i ētahi o ō tātou tikanga – te whatu kākahu, te tuhi mihimihi, te patu poi, te tītītōrea.