I ia tau he tini ngā patapatai a te tangata ki ngā kaimahi o Te Papa Tongarewa, kia tirohia te maha o ngā taonga o ngā momo kaiora, ngārara, aha atu, mai i ngā tohunga toi ki ngā tohunga mātai kararehe. Kei konei te utu ki ngā pātai mai i ā mātou tohunga.
Kia maumahara:
- e kore a Te Papa Tongarewa e hoatu i te wāriu o te taonga, o te tauira rānei
- e kore a Te Papa Tongarewa e taunaha mō ana kupu whakamārama
- tērā he utu, ki te roa atu i te haora e tirohia ana te taonga, te tauira rānei. Engari e kore koe e tonoa kia utu i tētahi moni, kia oti rawa he whakamārama ki a koe. Otirā kāore e roa rawa, ka taea te nuinga o ngā pātai te whakautu.
Ngā pātai
He pātai rānei tāu mō ā mātou taonga, mō ā mātou mahi rānei? Tēnā pea kei tā mātou pukapuka mō ā mātou taonga te whakahoki mō āu pātai. Ki te kore, tirohia tā mātou whārangi FAQ, whakakīa rānei tā mātou puka pātai. Ka taea e koe te tāpiri atu he whakaahua ki tō puka, tae atu ki te 300k te nui. Mā tā mātou Enquiry Centre e hoatu tō pātai ki te tangata e tika ana hei whakautu.
Whakaingoa, Motuhake
Kua kitea tētahi tipu, tētahi kaiora rānei, kāore koe i te mōhio he aha taua tipu, taua kaiora rānei, he aha te ingoa? He whakaahua tahito tāu, he mea peita, i tō whānau e pupuri ana mō ētahi tau maha tonu, e hiahia ana koe kia tirohia nā wai i peita? Ki te hiahia koe kia whakaingoatia, kia motuhaketia tētahi tauira, tētahi taonga rānei, me pēnei koe.
Aronui (Toi, Hītori me ngā Tāngata Moutere, Māori)
Ki te pīrangi koe kia whakaingoatia tētahi taonga mai i tētahi kōnae whakaahua, whakakīa te puka pātai whānui
Ki te pīrangi koe kia āta tirohia tētahi taonga e tētahi o ā mātou kaimahi, kaua e mauria mai, kaua e tukuna mai ki a mātou, whakapā mai i te tuatahi. Ko te take, kia pai tā mātou whakahau i te tangata tika hei kōrero ki a koe, hei tohutohu me pēhea e tae tika ai tō taonga ki a ia. Kia tūpato, kāore i te āta wātea mātou ki te tiaki taonga a te iwi mō te wā poto.
Te Hītori o te Taiao
Ki te pīrangi koe kia whakaingoatia tētahi tauira mai i tētahi kōnae whakaahua, whakakīa te puka pātai whānui.
Ki te pīrangi koe ki te tono mai i tētahi tauira kia whakaingoatia, whakapā ki te hononga tika e whai ake nei.
Manu (momo manu)
Ika
Pepeke, pūngāwerewere, me ērā momo
Kīrehe Whai Tuarā
Kararehe ngote ū o te moana
Angarite
Tipu
Kīrehe Tuarā Kore