Te Tikanga Whakawhiwhi

He Kaupapa Here Whakawhanake i te Kohi Taonga tā Te Papa Tongarewa hei hanga kaupapa hei hanga tikanga mō ngā mahi e pā ana ki ngā taonga; he kaupapa kaitiakitanga taonga, he kaupapa whakahoki taonga mai i tāwāhi, he kaupapa mō te tiaki i ngā kōiwi tangata, he kaupapa mō te whakawhiwhi, mō te tāpae taonga, he tikanga anō mō te whakatau raruraru e pā ana ki ngā taonga.

Ko te Rautaki Whakawhiwhi Taonga a Te Papa Tongarewa e tiaki ana i tēnā kaupapa e hanga ana i ngā tikanga raupapa mahi me ngā mahi tuatahi i roto i te toru tau, ā, ka whakahoutia i ia tau.

He kohi kōrero mō ngā taonga me ngā tikanga e pā ana ki aua taonga, kia rite ki ana whāinga ētahi mahi nui a Te Papa Tongarewa, kia taea te whakapukapuka, te whakaahua, te āta titiro ki te taiao, ki ngā tikanga tuku iho o Niu Tīreni, me ērā atu wāhi o te ao e whai pānga ana ki ngā iwi o konei.  Kia oti enei mea hei:

• whai mai mā te hunga o Niu Tīreni ki te āta titiro ki tō tātou taiao me ā tātou tikanga o mua
• whakatinana, hei whakakite i te āhua o ngā ariā, o ngā wāriu, o ngā whakaaro, o ngā kōrero e tukuna ana e Te Papa Tongarewa ki ngā huarahi rongo kōrero
• hanga i tētahi wāhanga o te tohungatanga o ngā mahi, tae atu ki te mātauranga Māori
•  rauemi rangahau

Ko tētahi mahi nui anō i raro i tēnei kaupapa ko te utu tohunga toi ki te hanga taonga toi hou mō ngā iwi maha.  E whakaaturia ana ēnei taonga toi puta noa i te whare taonga o Te Papa Tongarewa kia mōhiotia ai he kaiārahi a ia mō ngā momo mahi huhua o tēnei wā.

He tino puna taonga a Te Papa Tongarewa, e tiaki nei i ngā taonga whakarei, ki ngā iwi o Niu Tīreni, ā, ka tupu tonu.  He tino take nāna kia kohia ngā tāonga tino whakahirahira o Niu Tīreni.

He pūtea e hōmaitia ana e te Kāwanatanga hei whakanui i te kohinga e āhei ai te whare taonga ki te tango mai i ngā tino taonga o te motu.